Customer Testimonial

有日聽到同事傾計，有個同事話對婚戒嘅色開始暗啞，佢好奇點解同另一個同事同佢差唔多時間結婚，但係佢隻戒指都仲係閃令令✨，佢話因為VENATI嘅品質好好，我覺得佢個價錢合理，而且其他牌子嘅質量冇VENATI咁好。後尾喺會場兜咗一圈就決定即日訂，度埋戒指嘅size同揀埋個款。 我覺得佢對比起出面嘅牌子款式唔算好多，但就比較特別❣️。一開始係我未婚夫睇中VENATI先，佢話VENATI特別嘅地方係戒指嘅闊度可以自己調整，可以根據手型去調整個闊度。先生第一眼就好鍾意有得較闊度嘅戒指，因為出面係做唔到，VENATI真係可以滿足到佢嘅需要。同埋佢哋嘅自由度好高，婚展嗰日designer都係到，如果我哋想改款佢都可以即時改，改成係我哋獨有嘅婚戒。 佢地員工 Mike 喺傾計個陣已經知道我想要咩，佢大概拎咗五六對戒指，我哋已經揀到想要嘅款。其他人就算睇咗好多款都未必揀到，所以佢真係好專業，好快知道我哋想要啲咩款。同埋Cynthia都好專業，佢可以摸到手嘅大細，同埋會就唔同手型去比唔同嘅戒指我哋去量度，務求搵到最舒服嘅款。 佢哋嘅戒指有專業嘅名，佢介紹俾我嗰隻叫「內卜」，好似水泡咁圍住，所以隻戒指包得實我隻手，冇咁易跌出嚟。因為出面嗰啲太逼會唔舒服，太大嘅話就會鬆，佢哋嘅戒指真係fit到我嘅手型，所以呢一樣嘢真係好surprise。睇款、量度闊度同拎嗰陣，VENATI嘅同事都好細心，會幫我試清楚有冇唔舒服，更改細節都冇額外收費，仲有包三年保養。 成個過程都冇hard sell，好顧及客人嘅感受，所以喺VENATI嘅購物過程真係好舒服同愉快，大家都好鍾意隻戒指。

由於婚戒方面我同先生都冇特別嘅品牌想要，因為日常都會戴，所以最主要都係想揀舒服嘅婚戒為主，咁價錢同知名度唔係我哋最大考量。有日我哋去左婚展行左唔同嘅booth，睇戒指果陣都有試過上手，行左咁多我哋都係比較鍾意VENATI，佢舒適度好好❣️，而且款式又多。同埋VENATI嚟自意大利，喺個到都有工廠。我個人覺得歐洲嘅品牌製造比較認真，尤其係意大利，所以就揀咗VENATI。 嗰日入到去booth見到佢嘅款式都好多，同埋真係以客人戴落去舒服為目標。佢哋啲同事都好專業，我哋試戒指同度size都好放心交比佢哋。見到其他公司嘅價錢其實都係差唔多，我哋又冇特別想要名牌，因為我想搵一隻個圈戴落舒服嘅戒指，所以就好快喺會場到決定揀VENATI。 我想搵一啲戒指係「內卜」嗰個位舒服啲，而VENATI有多啲呢種款式嘅戒指。佢哋有啲戒指入面會圓圓地，所以戴落去會舒服啲。我先生嘅手指比較長同埋粗，所以佢覺得戴VENATI嘅戒指會舒服過其他，同埋其他品牌造工同埋舒適度都同佢哋爭好遠。我會介紹VENATI比朋友，因為成個過程都係好滿意！

之前聽我老公嘅表妹提起VENATI，所以婚展嗰陣我都去咗睇VENATI。我睇咗幾間，但覺得佢哋都差唔多，後尾就去咗試VENATI。一坐低佢哋已經話唔一定要買，過嚟傾吓計，睇吓戒指都可以，所以VENATI比我嘅第一印象係好好，如果同其他公司比較嘅話，我會偏向揀一間服務好嘅公司。同埋有啲設計係VENATI自己出，會特別啲，同出面嗰啲款唔同，我就揀咗一款出面少見啲嘅款式。 女同事好有耐心咁同我介紹戒指嘅唔同資訊，希望我哋可以揀到一對啱自己嘅婚戒。我都有試VENATI 嘅戒指同出面嗰啲，真係覺得同出面嗰啲唔同。VENATI唔會阻止你去試任何嘢，真係比我親身感受下出面戒指嘅感覺，咁就知隻戒指啱唔啱我戴。之後佢哋都有留卡片俾我，話有興趣可以再搵佢哋。雖然試咗三個鐘都係冇買到，但佢哋嘅同事都冇黑我哋面，話「冇問題，有興趣就再返嚟睇」，所以覺得VENATI態度都好好。同佢哋講嘢都係好舒服，好似普通傾計咁講好同唔好嘅地方。之後去Booth都係搵返之前服務我嘅同事，第二次就更加深入咁去介紹，度吓SIZE，試吓唔同嘅大細，試到啱手型為止，戴上手都係好自然，唔會有唔舒服嘅感覺。 戒指係五月買九月拎，因為要返意大利個廠到整，但佢哋都有趕住係我影婚紗相之前俾我，所以覺得佢哋好照顧我哋嘅需要。之後去試都係坐咗好耐，大家竟然會傾到唔願走，因為佢哋都會講吓交換戒指時有咩技巧，個感覺真係似朋友幫我揀緊，成個過程係好舒服同愉快❣️！

之前對VENATI唔算好多認識，係去婚展嘅時候見到佢哋。本身我係諗住去睇婚戒嘅，見到佢哋派宣傳單張，我就想了解吓，VENATI嘅同事就住我哋嘅喜好，揀咗啲婚戒俾我同男朋友試，再按住手嘅size同喜好去揀戒指。VENATI係可以自訂款式，例如加幾多粒鑽石。我哋喺嗰度睇完，最後就決定揀佢哋。VENATI啲款式都好啱我哋心水，例如我男朋友有啲款想要， 同事Cynthia 都好快諗到佢大概想要啲乜，所以佢揀嘅幾款我男朋友都好鍾意。所以Cynthia真係好了解我哋嘅需要，一拎就拎到我哋鍾意嘅款。 Cynthia嘅服務態度好好， 由我哋諮詢、購買同埋售後嘅服務都跟得好足，戒指到咗又會即刻同我講。有啲位我想改、加返個日期、改size，佢都會即刻幫我跟進，同埋都按住我哋影Pre Wedding嘅日子盡量整好俾我哋，因為想我哋可以戴住嚟影相，呢個真係好貼心。 同埋佢真係好細心，知道我同男朋友手型唔同，所以內圈嗰啲設計都幫我哋處理好曬。佢仲主動同我哋講返到屋企一定要試吓戴，因為溫度嘅變化會令戴嘅感覺唔同。而且Cynthia會幫我諗戴咩款先會舒服，仲會將自己戴得舒服嘅方法分享，我覺得隻戒指真係戴得舒服，同埋冇漲出嚟嘅感覺。 仲有我覺得佢哋跟得好好，我想刻結婚日期落戒指到，但係我知道日期嗰陣已經距離落咗單一、兩個禮拜，所以我話加唔到都唔緊要。但Cynthia即刻幫我同製作嘅同事講加返落去，好開心真係做到，同埋加日期同改size都係冇額外收費嘅。 成個流程都好愉快。由修改同拎戒指，都只係要一個月，所以真係好快。過程中我感覺到VENATI真係想我哋將最好嘅嘢放落隻戒指到，同埋佢滿足到我哋嘅要求，想要嘅嘢全部都比到我哋。而且有得修改係一個好好嘅服務，戒指我同另一半都好鍾意。

我去灣仔嘅婚展，一開始都係行吓唔同嘅booth，跟住行第二轉嘅時候見到VENATI啲款式幾靚，就被吸引咗入去。其他公司都俾我一種倒模嘅感覺，我睇完覺得唔太啱自己，但係VENATI啲款特別啲同埋都幾靚????，所以我哋揀咗VENATI。 另外，我覺得VENATI嘅服務幾好。VENATI 嘅同事話結婚戒指係戴一世，最緊要係搵一隻戴得舒服嘅，所以佢哋同事冇一嚟就sell 我哋，反而係同我哋講解點分辨一啲好嘅materials，戒指戴落去嘅舒適度，跟住先開始推薦唔同戒指款式❣️。佢哋話唔同手型戴唔同粗幼度嘅戒指都會有唔同嘅感覺，所以佢哋會望吓我哋個手型先，睇返手嘅大細啱戴啲咩圈嘅戒指，同埋揸實拳頭會唔會有唔舒服嘅感覺，一開始都係試曬呢啲嘢先去睇款式。由於我爸爸個隻戒指戴咗好多年，都變曬形，所以我都有啲擔心 ，但VENATI同事話佢哋呢隻係唔會變形嘅，同埋佢哋都有講過戒指嘅弧度都會影響舒適度，因為我工作需要嘅關係，我試嘅時候都比較着重舒適度，希望搵到一隻唔阻住自己做嘢嘅戒指，而VENATI嘅戒指戴咗好似冇戴咁，非常舒服。而整個過程，VENATI俾我嘅感覺就係唔會一開始淨係講錢，反而主要講產品嘅細節，呢一點我好欣賞。 而幫我哋介紹嘅男同事同女同事，兩個都好細心同好親切，有種搵佢哋都覺得唔錯嘅感覺，而且成個過程好似好朋友傾計，會講吓自己嘅嘢，成個氣氛都好輕鬆，好舒服，冇任何壓力。雖然我哋試戒指試咗比較耐，但佢哋一直都好有耐心，喺過程中亦唔會push我哋快啲做決定。 最後我哋就喺VENATI訂咗戒指，成個圈形主要由好多個正三角形同埋反三角形組成嘅，比較少見嘅款式。而當啲光射落去戒指嘅時候正面同反面睇都有唔同嘅感覺，所以我哋都覺得幾靚，又唔會太過浮誇，可以自己揀show 唔show 鑽石，方便自己返工同日常戴。最驚喜係，雖然距離落訂已經過咗幾個月，但係拎戒指嘅時候VENATI嘅同事居然仲認得我哋，叫得出我哋個名，真係好驚喜。