Customer Testimonial

有次無意中同閨蜜係百利睇婚戒，經過見到VENATI，職員都好熱心介紹無hardsell，反而同我地分析唔同手型適合咩戒指。當下俾總監Vico既專業知識 ，深深地吸引住，真係好新鮮，原來揀戒指都有學問。總監都俾我同閨蜜不停地試款 ，仲因應我地既手型，介紹唔同款式會有唔同既舒適度。店內有本地及義大利制既對戒，本身我係睇中線戒，但越睇越覺得義大利制既對戒更加適合自己，同埋更加有儀式感 當日我地無揀到任何野，但Vico同 Cynthia 都好熱心、好有耐性講解。 返到屋企，對總監講既野念念不忘 自己都有睇過其他婚戒既公司，但佢地既服務產品都係比較岩我。同埋個人都係鍾意有份量既戒指，呢方面VENATI亦都滿足到我。所以我帶左男友去婚展睇下，亦有睇多次唔同既婚戒公司，最後先帶佢去VENATI，睇下岩唔岩佢，畢竟買戒指係2個人要帶一世唔可以我決定哂 男友當日都長知識了 我地又係無即時決定，要俾啲時間佢消化。同埋我地婚期未到，仲有時間。隔左無耐，我地傾完都覺得VENATI 最岩我地。我就直接WhatsApp VENATI約期去門市購買，當去設計一個岩大家既戒指，VENATI有一定既專業分析亦都會俾建議我地。所以我勁期待完成品! 不出所望，戒指仲早左拎到，好靚好鍾意! 想快啲結婚之後日日帶。Cynthia仲同我地講證婚當日點帶戒指先唔會突兀同方便到攝影師影相，仲同我地rehearsal埋 好貼心！因為果日一定好緊張 ，隻手唔知點擺好，多謝佢地！經過幾次既探店，同佢地傾左唔少計，真心鍾意佢地既服務、理念、質素都無得頂！真心值得更多人知道VENATI

一開始我想買結婚對戒，婚展比較咗幾間公司之後，最後我都係覺得VENATI嘅sales更加熱情，態度又好。當時，係一個男職員招呼我，佢好有心機介紹，佢先了解我哋嘅手型，再會講解下唔同嘅手指適合啲乜嘢嘅指款式，然後再作推薦，全程都講解得好詳細，好專業，唔似其他公司咁求其拎啲戒指出嚟比你試帶就算，咩都唔講。最後，我就喺VENATI買咗結婚對戒，收到後我同太太都覺得十分滿意。 因為我喺VENATI嘅體驗好好，所以我決定喺佢哋嗰到買埋求婚戒指。我喺WhatsApp同佢哋溝通先，佢哋就幫我搵鑽石，當中Cynthia都可以好清晰回答到我嘅問題。之後到我就上咗去佢哋舖頭睇石，上到去覺得佢哋店舖環境乾淨整齊，俾人好舒服嘅感覺。當時店員都會講解得都好詳細，加上我自已之前都有上網搵咗好多鑽石資料，於是我就同店員一齊傾下啲鑽石，嗰日我哋都好愉快咁傾咗成粒鐘㗎。最後，到揀戒子托嗰陣，店員建議我唔需要揀太花巧，揀啲簡單款襯托我揀嗰粒石效果會更突出。最後我揀咗一個簡單款，果然效果好好，VENATI果然好專業，我太太收到勁開心。 由於當時我係比較趕先買求婚戒指，所以戒指係需要加急整，不過佢哋都可以好準時俾到我，服務質素好高，整體嚟講我都好滿意！

我同先生一直都好想搵一對戴得舒服嘅結婚戒指，但係比較過好多唔同嘅品牌，都搵唔到我想要嘅嘢，直至係展會認識到VENATI，再試戴埋佢哋嘅戒指，真係帶得好舒服，所以我哋就決定係VENATI 訂購我哋嘅婚戒。 選購戒指嘅時候，佢哋所有職員嘅態度都好nice，亦都好細心❤️，完全冇Hard Sell嘅感覺。佢哋首先會分析我哋嘅手指的粗幼、型態，令到我哋了解同明白自己係適合戴邊一種類型或設計嘅戒指。佢哋好有耐性去解釋俾我哋聽，點解一對戒指嘅舒適度係咁緊要，係因為結婚戒指會帶一世，呢樣真係好切合我同先生對戒指嘅理念。 雖然價錢嚟講佢哋唔係最平，但係戒指嘅舒適度就真係冇得輸，真係超值。 係揀戒指款式嘅時候，佢哋會因應我哋嘅需要，去幫客人設計戒指嘅款式，例如啲鑽石 可以放喺戒指嘅邊個位置，可以突顯到戒指嘅特色，又能夠方便日常佩戴。我而家日日都戴住隻戒指，個個都話隻戒指好靚。 佢哋成個團隊對客戶亦都好體貼❤，好似我哋訂咗戒指預算三個月後先有得攞，都擔心唔知可唔可以趕得切攞到戒指去影Pre Wedding，估唔到佢哋幫我哋盡量趕工，結果係影Pre Wedding之前一個禮拜就收到戒指，完全係好感動❤️。

想買一D款式特別又要舒適度一流嘅結婚對戒，於是上網Google下，就認識咗VENATI，發覺佢哋嘅款式都好適合自己，所以就襯婚紗展嘅機會，去咗佢嘅攤位睇下。 當時接待我嘅同事，態度好nice，好有耐性咁講解手指型狀嘅重要性。 佢首先會分析我哋手指 屬於邊種類型，係應該適合戴邊一款設計嘅戒指。之後再介紹佢哋嘅戒指係設計上有咩特點，再配合返自己的手指類型，所以戴戒指先至會戴得舒服。佢哋整個團隊會用好專業嘅知識，去幫我哋揀選適合我哋嘅戒指。因為工作關係，我同先生都想搵一d款式簡單，但又比較特別，同時又要戴得舒服嘅戒指。本身我哋揀左一對扭紋款的，但係由於我同先生係手指既粗幼度上分別太大，扭紋款咁太適合先生，所以佢哋就建議我哋揀「朱古力格仔」的款式。我地訂左戒指嘅3個月後就收到貨喇，收到戒指後，我哋都好滿意❤️。 最令我最impressed嘅，就係佢地教左我哋好多戒指同鑽石的知識，例如：會教我地用放大鏡去睇鑽石。好似我想搵一粒鑽石，佢地係會因應客人的要求，去搵質量最好嘅貨，又會分析俾我地知，點樣鑲嵌粒鑽石係會令到成隻鑽石戒指有最好，最靚嘅效果。俾我感覺到，佢哋真係好有熱誠去幫客人去搵適合佢哋嘅鑽石戒指。

我想搵求婚戒指同對戒，喺婚紗展度見到 VENATI，再加上之前都有聽朋友提及過哩個brand，咁就行入去佢哋嘅攤位度睇吓。 當日係Cynthia 接待我哋，佢嘅講解好清楚，又話我哋知點樣去揀戒指，態度好親切好專業，又有誠意，所以最後就決定幫襯 VENATI。 係揀戒指嘅時候，佢地整個團隊都好用心，去幫我同太太去揀選適合我哋嘅戒指。我哋都鍾意一D比較簡單的款式，到最後我自己就揀咗一隻金色較重身的，而太太就揀左一隻輕身有碎石的戒指。收到戒指的時候，我哋對成品都好滿意。 我哋覺得佢的戒指，無論價錢，款式，舒適度，同埋鑽石的質素都好好。最令我難忘嘅係，佢哋整個服務係好有team spirit，好有heart，令到我有賓至如歸的感覺，加上佢哋專業嘅講解，令到我對VENATI好有信心。❤️