Customer Testimonial

其實我都真係睇過好多間公司架啦，好多都係一坐低就係咁俾款我睇，又係咁問我想要啲乜嘢款，而VENATI真係好唔一樣，最想讚嘅就係佢同事Cynthia，我一坐低Cynthia就會叫我俾隻手佢睇，會分析返我嘅手型，又會問返我平時做乜嘢工作，了解埋我生活模式先至建議我應該揀啲乜嘢戒指款式。 Cynthia 講解產品都非常之中立，唔會話一定要sell我買貴嘢，佢會好清楚咁分析俾我聽例如白金同埋18K金嘅利弊，解釋完之後都會俾空間我自己揀，最後真係好似自己想完一堂珠寶課程咁樣！另外就係揀款式佢都真係會為我着想，有幾款其實就係咁睇個樣我自己都好似幾鍾意，但係佢都唔會係咁講啲好聽嘅說話說服我要，反而都會分析返俾我聽，根據返我手型，根據返我日常嘅工作同埋習慣提醒返我嗰啲款式其實未必最適合我。 另外我好concern嘅一點就係隻戒指耐唔耐磨同會唔會好花，而Cynthia真係可以攞到一隻用咗20年嘅戒指sample俾我睇用耐咗之後花嘅程度會係點，嗰刻我真係好surprise佢哋會準備到咁嘅程度，俾到我好安心知道用耐咗之後嘅真實情況會係點，我聽到真係覺得好細心，❤️因為真係feel到佢唔係淨係想sell我買嘢，而係佢真係想我買到啱嘅嘢。

我喺婚展嗰度行咗幾間公司，最後都係覺得VENATI嘅戒指款式選擇比較多，款式又唔錯，幾啱我哋心目中想要嘅嘢，所以入去坐底了解一下。當時接待我哋係一位女同事，另仲有一位男同事從旁協助，兩個同事嘅服務態度都好好。佢哋好主動幫我哋推介，又唔會嫌麻煩，揀咗好多唔同類型嘅款式比我哋比較，仲好詳細咁介紹，整體服務我都覺得幾滿意。 當中，我最記得就係，佢哋真係比咗好多款式我哋睇。有睇啱，Staff就會拎類似款而真係啱我哋size嘅戒指俾我哋試，等我哋感受下舒唔舒服，啱唔啱自己手形。因為平時其他公司只會叫我哋揀咗款先，真係決定買先再度size，但VENATI正正相反，佢哋係想客人直接戴一隻啱size嘅戒指嚟感受，我覺得呢個service真係好貼心，服務態度都唔錯，如果staff可以記得埋客人嘅名，落鋪頭見面嗰時會再親切啲，就更加好，更加窩心啦！ 而我同太太都係鍾意簡單啲嘅設計，最後我哋揀咗對戒指都有啲暗紋，特別得嚟，又唔會太花巧。至於包裝方面，我都覺得OK，會有盒裝起我哋嘅對戒。到取貨個陣，Staff仲會好細心教我哋點樣清潔啲戒指，又建議我哋定期用洗金水清潔，畢竟要戴一世，所以都要注重保養。佢哋仲會主動同我哋講返啲售後服務，例如之後有需要，都可以調整返個size，又或者可以用一個合理嘅價錢轉過另一款，呢啲位佢哋都會主動同客人講，都好細心，我好欣賞。

我哋當時去婚展睇結婚戒指嘅過程都係大同小異，不外乎去睇款式然後試指環，不過我覺得啲款色好悶，戴落又唔舒服，行到好迷茫，不過好彩喺臨走前見到VENATI。而VENATI對比其他品牌，係有啲唔同。一開始店員會幫我哋試咗指環先，然後會摸吓我哋嘅手指骨，再講解我哋適合帶啲咩嘢類型嘅戒指，然後推薦相應嘅款式，成個過程都好舒服，又唔會hard sell，而係似教緊我哋點樣揀適合自已嘅戒指多啲。當中有啲戒指款，我試上手，握拳頭嘅時候，的確係好唔舒服，但有啲戒指戴上手又好舒服，舒服到好似冇戴咁，而呢啲專業講解其他公司係冇做到。 店員會講解好多揀戒指要留意嘅嘢，例如對於戒指嘅尺寸，會考慮埋溫差、減肥前後等等嘅因素，咁細心嘅考量莫過於佢哋豐富嘅經驗。佢仲分享咗好多結婚戒指嘅意義。其中，佢講咗一樣嘢我覺得好啱，如果結婚戒指帶得唔舒服，就唔會成日戴住，就會失去咗結婚對戒嘅意義。另外，本身訂製戒指需時要三個月，但VENATI知道我哋趕住要對戒影pre-wedding，所以加急幫我哋整，呢一樣令我覺得佢哋嘅服務好貼心。而去舖頭攞戒指個陣亦都唔係攞完就走，店員係會好細心咁講解下保養方法，又會叫我再試多次睇吓有冇問題，服務好細緻。 所以成個體驗令我覺得VENATI係物有所值，無論係服務定係戒指都好高質素，成件事好都perfect。佢哋唔會好似其他公司咁，hard sell 客人揀一啲又貴又唔適合嘅戒指，其他品牌亦唔會教你去揀合適嘅對戒。而VENATI令我覺得今次買到嘅唔單止係產品，更多嘅結婚戒指嘅意義，思考返戒指嘅象徵性，所以我每次見到戒指入面嘅detail位，就會回憶返我同太太嘅婚禮。

當時我們婚期比較趕急要定制對戒，所以我們去婚展行過VENATI個Booth時，我嘅未婚妻對佢哋嘅宣傳單張上戒指嘅設計覺得幾滿意同吸引????，所以就行咗入去佢哋個Booth去了解一下。VENATI嘅男經理好好咁同我哋講解介紹佢哋嘅對戒，就算我哋係Booth到逗留超過兩小時，佢都一直從旁協助????，仲話我哋知我哋手指型適合咩款式 ????同攞好多款式比我哋試，佢真係服務得非常好????。而且當我哋揀戒指款式時，我哋2個都認為款式更重要????，但男經理好細心咁建議我哋，佢話畢竟戒指是帶一輩子????，所以戒指嘅舒適度都要考慮清楚????。 VENATI嘅男經理的細心不只係呢度展現到????????！男經理見我手指嘅骨架比較大，除戒指比較困難，佢教咗我點樣更加方便同舒服咁除戒指????。另外，當佢知道我哋之後需要去其他地方買金戒指，佢提供我哋嘅戒指尺寸，方便我哋之後去買金戒指????，仲細心咁提點我哋金戒指記住買時要預鬆一點點????，所以我覺得VENATI嘅男經理嘅態度真係非常有耐性及細心????！ 而之後我哋再去搵佢哋訂制戒指時，VENATI嘅職員有根據佢哋嘅經驗比建議我未婚妻，佢哋話因為我未婚妻比較白，可以試吓佢哋新款玫瑰金色嘅戒指????！我未婚妻帶咗上手之後，我同未婚妻都覺得效果又真係好靚同好適合佢❤️，所以最後我哋都揀咗佢哋推薦咗嘅同款唔同色嘅對戒????????，個款式戴上手真係好舒服，而且我哋都好鐘意????。 我哋感覺VENATI有真心為我們設身處地考慮嘅感覺????～即使我們遲咗去訂製對戒，VENATI有幫我哋叫人趕工，最後戒指出貨的日期是比預期再早一個星期❤️。我們在婚禮的前兩個星期就取到貨了，讓我們超放心????。

當時我們婚期比較趕急要定制對戒，所以我們去婚展行過VENATI個Booth時，我嘅未婚妻對佢哋嘅宣傳單張上戒指嘅設計覺得幾滿意同吸引，所以就行咗入去佢哋個Booth去了解一下。VENATI嘅男經理好好咁同我哋講解介紹佢哋嘅對戒，就算我哋係Booth到逗留超過兩小時，佢都一直從旁協助，仲話我哋知我哋手指型適合咩款式同攞好多款式比我哋試，佢真係服務得非常好。而且當我哋揀戒指款式時，我哋2個都認為款式更重要，但男經理好細心咁建議我哋，佢話畢竟戒指是帶一輩子，所以戒指嘅舒適度都要考慮清楚。 VENATI嘅男經理的細心不只係呢度展現到！男經理見我手指嘅骨架比較大，除戒指比較困難，佢教咗我點樣更加方便同舒服咁除戒指。另外，當佢知道我哋之後需要去其他地方買金戒指，佢提供我哋嘅戒指尺寸，方便我哋之後去買金戒指，仲細心咁提點我哋金戒指記住買時要預鬆一點點，所以我覺得VENATI嘅男經理嘅態度真係非常有耐性及細心！ 而之後我哋再去搵佢哋訂制戒指時，VENATI嘅職員有根據佢哋嘅經驗比建議我未婚妻，佢哋話因為我未婚妻比較白，可以試吓佢哋新款玫瑰金色嘅戒指！我未婚妻帶咗上手之後，我同未婚妻都覺得效果又真係好靚同好適合佢❤️，所以最後我哋都揀咗佢哋推薦咗嘅同款唔同色嘅對戒，個款式戴上手真係好舒服，而且我哋都好鐘意。 我哋感覺VENATI有真心為我們設身處地考慮嘅感覺～即使我們遲咗去訂製對戒，VENATI有幫我哋叫人趕工，最後戒指出貨的日期是比預期再早一個星期❤️。我們在婚禮的前兩個星期就取到貨了，讓我們超放心。